Política de privacidade

Tratamos os datos que nos proporcionas: nome, correo electrónico, teléfono e, no seu caso, os datos da túa conta, das túas reservas de libros, dos orzamentos solicitados e dos arquivos que envías para imprimir.

Utilizamos os teus datos para xestionar a túa conta, as túas reservas de libros, os orzamentos e os traballos de impresión, e para poñernos en contacto contigo en relación con eles.

Cando che enviamos un deseño para que o aprobes antes de producilo, rexistramos a túa conformidade: o correo electrónico ou o teléfono co que a das, a data e a hora, o teu enderezo IP e o teu navegador, xunto coa pegada dixital (hash) dos arquivos que se che amosaron. A finalidade é acreditar que aprobaches ese deseño concreto antes de pasalo a produción.

Para as comunicacións relacionadas cos teus pedidos, reservas e servizos poderemos contactarte por correo electrónico, teléfono ou WhatsApp (por exemplo, avisos de dispoñibilidade ou do estado dun traballo). Se prefires non recibir avisos por WhatsApp, podes indicárnolo en calquera momento escribindo a info@besbello.gal.

Só che enviaremos comunicacións comerciais (novidades, ofertas e campañas) por email, SMS ou WhatsApp se nos das o teu consentimento, que podes retirar en calquera momento.

Se utilizas a función de foto da lista de material (subir unha foto da lista do cole para obter a cesta), procesamos a imaxe unicamente para extraer os artigos e propoñerche unha cesta que revisas antes de reservar. A imaxe non se almacena: procésase e descártase.

As bases legais do tratamento son: a execución da túa solicitude ou do servizo contratado (art. 6.1.b RGPD); o cumprimento de obrigas legais, en particular fiscais e contables (art. 6.1.c); o teu consentimento para as comunicacións comerciais (art. 6.1.a), que podes retirar en calquera momento; e o interese lexítimo en previr o abuso das promocións mediante o cotexo por unidade familiar e en conservar a proba da conformidade dos deseños aprobados (art. 6.1.f).

Conservaremos os teus datos durante o tempo necesario para xestionar os servizos solicitados e, posteriormente, durante os prazos legalmente esixibles. Os ficheiros que nos envías para imprimir elimínanse dos nosos sistemas nun prazo máximo de 30 días desde a entrega do traballo, salvo que nos pidas conservalos para futuras reimpresións.

A constancia de conformidade dun deseño (coa súa data e hora, IP, navegador e a pegada dixital dos arquivos aprobados) consérvase mentres poidan derivarse reclamacións sobre o traballo producido.

Non cedemos os teus datos a terceiros, salvo obrigación legal. Os datos poden ser tratados polos nosos provedores de servizos tecnolóxicos (aloxamento web, almacenamento de arquivos e correo electrónico), que actúan como encargados do tratamento.

Os teus datos aloxanse en servidores situados na Unión Europea (provedor Hetzner, Alemaña). Non realizamos transferencias internacionais de datos, salvo a derivada do mapa de Google Maps incrustado na páxina de contacto: ese tratamento por parte de Google pode producirse en Estados Unidos, amparado polo Marco de Privacidade de Datos UE-EE. UU. e/ou por cláusulas contractuais tipo aprobadas pola Comisión Europea.

Se autorizas as comunicacións por WhatsApp, esa canle préstaa WhatsApp Ireland Limited (grupo Meta), que actúa como encargado do tratamento das mensaxes que che enviamos; ese tratamento pode implicar unha transferencia internacional a Estados Unidos amparada polo Marco de Privacidade de Datos UE-EE. UU. e/ou por cláusulas contractuais tipo aprobadas pola Comisión Europea.

Se utilizas a función de foto da lista de material, a imaxe procésase co servizo de intelixencia artificial de Anthropic PBC, que actúa como encargado do tratamento; ese tratamento pode implicar unha transferencia internacional a Estados Unidos amparada polo Marco de Privacidade de Datos UE-EE. UU. e/ou por cláusulas contractuais tipo aprobadas pola Comisión Europea. A imaxe non se almacena e instrúese ao sistema para ignorar calquera dato persoal que puidese aparecer nela.

Se creas unha conta en besbello.gal, xestionamos o teu moedeiro de fidelización: as túas compras e reservas poden acumular saldo conforme ás promocións vixentes en cada momento (publicadas na web e na tenda), que podes consultar na túa conta e trocar na tenda. Para iso tratamos o teu historial de pedidos e reservas e o saldo acumulado. O moedeiro é un sistema propio de Besbello e os teus datos non se comunican a ningún provedor externo. Base xurídica: execución das condicións do programa que aceptas ao rexistrarte (art. 6.1.b RXPD). Podes pechar a túa conta en calquera momento; o saldo pendente rexerase polas condicións de uso.

Para preparar a túa reserva solicitamos os datos mínimos do alumnado: curso, centro educativo e, se é o caso, nome do alumno ou alumna. Estes datos debe achegalos o pai, a nai ou o titor legal, utilízanse unicamente para identificar e preparar o lote de libros e avisarte da súa dispoñibilidade, e non se empregan para ningunha outra finalidade nin se comunican a terceiros. Consérvanse durante o curso escolar en vigor e os prazos legais de facturación.

Podes exercer os dereitos de acceso, rectificación, supresión, oposición, limitación e portabilidade dirixíndote por escrito ao correo electrónico do responsable.

Tamén tes dereito a presentar unha reclamación ante a Axencia Española de Protección de Datos (www.aepd.es).