Eliminar a túa conta de Besbello

Desde a app ou a web: inicia sesión e vai a Perfil → «Eliminar conta». Deberás confirmar co teu contrasinal. A conta elimínase de inmediato.

Se non podes acceder: escríbenos desde o correo asociado á túa conta a info@besbello.gal indicando que queres darte de baixa. Verificaremos que es o titular e eliminaremos a túa conta nun prazo máximo de 30 días.

Ao eliminar a túa conta bórranse de forma permanente: os teus datos persoais (nome, correo, teléfono e enderezo), a túa conta de acceso, o saldo e todos os movementos do teu moedeiro de fidelización, as túas notificacións e os permisos de aviso (push), e o historial de tickets de compra que se amosaba na app.

Esta acción non se pode desfacer.

As túas reservas de libros e os teus orzamentos consérvanse de forma anónima, sen ningún vínculo coa túa identidade, para o funcionamento interno da tenda.

Por obrigación legal fiscal e mercantil, Besbello conserva as facturas e tickets das túas compras nos seus sistemas de facturación durante os prazos legalmente esixibles (polo xeral, entre 4 e 6 anos). A partir da eliminación da túa conta, eses rexistros deixan de estar vinculados a ti.

Os arquivos que enviases para imprimir elimínanse nun prazo máximo de 30 días desde a entrega do traballo.

Baixa desde a app ou a web: inmediata ao confirmar.

Baixa por correo: máximo 30 días desde que verificamos a túa solicitude.